Lind Einarsdóttir er viðskiptafræðingur frá Háskóla Ísland með áherslu á mannauðsstjórnun. Einnig er hún með Mastergráðu í stjórnun og stefnumótun frá sama skóla. Lokaritgerðir Lindar endurspegla vel áhuga hennar á hinum mannlega þætti í viðskiptum og var B.S. ritgerðin um mannauðsstjórnun framtíðarinnar og M.S. ritgerðin um menningu og viðskiptatækifæri í Kína. Lind hefur víðtæka reynslu af starfsmannastjórnun og mannaráðningum og hefur undanfarin ár starfað sem starfsmannastjóri hjá Focal Consulting, Alcan á Íslandi og Samskipum. Lind hefur starfað við ráðningar undanfarin 10 ára lengst af hjá Talent ráðningum. Matur og matargerð er áhugamál Lindar númer 1,2, og 3. Til þess að vega uppá móti þessum mikla áhuga á mat hefur líkamsrækt þurft sinn sess og var hún tekin með trompi hér á árum áður. Áhuginn skilaði íslandsmeti í bekkpressu og reynir Lind að lifa á þeirri fornu frægð enn þann dag í dag.

Mjöll lauk B.A. námi í sálfræði frá Háskóla Íslands árið 2006 og Cand. Psych. prófi frá Háskólanum í Árósum árið 2012. Mjöll stofnaði ráðningarþjónustuna Talent árið 2007 starfaði þar til ársins 2011 þegar hún hélt erlendis í meira nám. Hún hefur meðal annars starfað sem verkefnastjóri hjá Skref fyrir skref, þar sá hún ásamt fleiru um námskeið sem fjölluðu um þjónustu, liðsheild, leiðtogahæfni, tjáningu og sjálfstraust. Hún starfaði einnig sem ráðgjafi í ráðningum hjá Ráðningarþjónustunni. Í dag starfar hún sem sálfræðingur hjá Heilsustöðinni ásamt því að starfa hjá Fast ráðningum. Mjöll les mjög mikið og á það til að kaupa ansi mikið af bókum á Amazon. Á framhaldsskólaárunum var Mjöll 2 ár í ræðuliði Fjölbrautaskólans í Garðabæ og komst í úrslit í Háskólabíói fyrir hönd skólans bæði árin. Tapaði reyndar í bæði skiptin fyrir Gísla Marteini í úrslitunum en naumlega þó...

Agla er með mastersgráðu í Mannauðsstjórnun og hefur víðtæka reynslu af ráðgjöf og kennslu á sviði mannauðsmála.